ಗಾದೆ ಮಾತುಗಳು ನಮಗೆ ಅನೇಕ ಸಂಗತಿಗಳ, ಹಲವು ಸಂದರ್ಭಗಳ ವಿವರಣೆಯನ್ನು ಕೊಡುತ್ತವೆ. ಅವು ಕೆಲವೊಮ್ಮೆ ಸಮಯೋಚಿತವೂ ಹೌದು. ಕೆಲವು ಸಂದರ್ಭಗಳಲ್ಲಿ ಗಾದೆಗಳನ್ನು ಉದ್ಧರಿಸಿಕೊಂಡು ಮಾತನಾಡುವುದು ವಾಡಿಕೆ. ಅಂತಹ ನೂರಾರು ಗಾದೆಗಳನ್ನು ಈ ಪುಸ್ತಕದಲ್ಲಿ ಅರ್ಥಸಹಿತ ವಿವರಣೆಗಳೊಂದಿಗೆ ಸವಿಸ್ತಾರವಾಗಿ ಕೊಡಲಾಗಿದೆ. ಅಧ್ಯಯನದಲ್ಲಿ ಆಸಕ್ತಿ ಇರುವವರಿಗೆ ಅಗೆದಷ್ಟೂ ಆಳಕ್ಕೆ ಹೋದಂತೆ, ಮತ್ತೊಮ್ಮೆ ಮಗದೊಮ್ಮೆ ಮಾಹಿತಿಗಳ ಕಣಜ ಸಿಗುತ್ತದೆ. ಅದು ಜ್ಞಾನಾರ್ಜನೆಯ ಸಂಕೇತವಾಗುತ್ತದೆ. ವಿದ್ಯಾರ್ಥಿಗಳು, ಶಿಕ್ಷಕರು, ಆಸಕ್ತರು ಇದರ ಪ್ರಯೋಜನ ಪಡೆದಲ್ಲಿ ನಮ್ಮ ಶ್ರಮ ಸಾರ್ಥಕ.