ಇದೊಂದು ಕಾದಂಬರಿ, ಅಥವಾ ಉದ್ದವಾದ ಕಟ್ಟುಕಥೆ. ಉದ್ದವಾದ ಕಥೆಗೆ ಕಾದಂಬರಿ ಎಂಬ ಹೆಸರು ಹೇಗೆ ಬಂತು? ಎಂದರೆ, ಕ್ರಿ.ಶ. ೭ನೆಯ ಶತಮಾನದಲ್ಲಿ ಹರ್ಷರಾಜನ ಸಮಸಾಮಯಿಕನಾಗಿದ್ದ ಸಂಸ್ಕೃತ ಗದ್ಯ ಪದ್ಯ ಮಹಾಕವಿಯಾದ ಬಾಣನು ಕಾದಂಬರಿ ಎಂಬ ಹೆಸರಿನ ಅದೊಂದು ಉದ್ದವಾದ ಕಾಲ್ಪನಿಕ ಗದ್ಯ-ಕಥೆಯನ್ನು ರಚಿಸಿದನು. ಆ ತನಕ ಸಂಸ್ಕೃತ ಸಾಹಿತ್ಯದಲ್ಲಿ ವಿಧವಿಧದ ಗದ್ಯ ಪದ್ಯ ಪ್ರಬಂಧಗಳಿದ್ದರೂ ಕಟ್ಟುಕಥೆ ಇರಲಿಲ್ಲ. ಆ ಕಾರಣದಿಂದ, ಅಂದು ಮೊದಲ್ಗೊಂಡು ಉದ್ದವಾದ ಕಟ್ಟುಕಥೆಗೆ ಕಾದಂಬರಿ ಎಂದು ಹೆಸರಾಯಿತು.