ಬದುಕಿಗೆ ಬೇಕಾದ ಒಳ ಕಸುವು ಅಥವ ಅಂತಃಸತ್ವ ಬರುವುದು ಎಲ್ಲಿಂದ? ಬಹುಶಃ ಅನುಭವವು ಒದಗಿಸುವ ಅರಿವಿನಿಂದ ಮತ್ತು ತಿಳಿವಳಿಕೆ ನೀಡುವ ಪಕ್ವತೆಯಿಂದ. ಆದರೆ, ಅನುಭವಕ್ಕೆ ಒಳಗಾದ ಎಲ್ಲರೂ ವಿವೇಕಶೀಲರಾಗಿ ಬದಲಾಗುತ್ತಾರೆ ಹೆಚ್ಚು ಋಜುತ್ವದಿಂದ ವರ್ತಿಸುತ್ತಾರೆ ಎನ್ನುವ ಖಾತರಿಯೇನೂ ಇರುವುದಿಲ್ಲ.

ಇಂತಹ ಸಂವೇದನಾಶೀಲ ಸೂಕ್ಷ್ಮ ವಿಷಯವನ್ನು ಸಾಹಿತ್ಯವಲ್ಲದೆ ಬೇರಾವುದು ತಿಳಿಸಿಕೊಡಲು ಸಾಧ್ಯ? ಈ ಪುಸ್ತಕದಲ್ಲಿ ಆ ಬಗೆಯ ಬರಹಗಳಿವೆ. ಕ್ರಿಯಾಶೀಲತೆಯ ಸುತ್ತಮುತ್ತ ಸಣ್ಣಸಣ್ಣ ಟಿಪ್ಪಣಿಗಳಿವೆ. ಜತೆಗೆ, ನನಗೆ ತುಂಬ ಇಷ್ಟವಾದ ಕೆಲವು ಬರಹಗಳ ಅನುವಾದವಿದೆ.

ಉತ್ಸಾಹದಿಂದ ಸಾಹಿತ್ಯದ ಓದಿನಲ್ಲಿ ತೊಡಗಿಕೊಳ್ಳುವ ವಾಚಕರು ಈ ಬರಹಗಳನ್ನು ಆಸ್ವಾದಿಸಬಲ್ಲರು.