ಡಾ. ಶಿವರಾಜ್ ಬ್ಯಾಡರಹಳ್ಳಿಯವರ 'ಬಯಲ ತೊರೆ' ಯಲ್ಲಿರುವ ಹಲವಾರು ಲೇಖನಗಳು ಹಲವು ವಿಷಯಗಳನ್ನು, ಹಲವು ಸಾಹಿತ್ಯ ಪ್ರಕಾರಗಳನ್ನು ಚರ್ಚಿಸಿರುವುದರಿಂದ ಇದೊಂದು ಕೃತಿಯು ಓದುಗರಿಗೆ ವಿಶಿಷ್ಟಾನುಭವವನ್ನು ನೀಡುತ್ತದೆ. ಪ್ರತಿ ವರ್ಷ ಹಲವು ವಿಮರ್ಶಾ ಕೃತಿಯು ಪ್ರಕಟವಾಗುತ್ತಿರುವ ಸಾಲಿಗೆ 'ಬಯಲ ತೊರೆ'ಯೂ ಸೇರ್ಪಡೆಯಾಗಲಿ ಎಂದು ಹೇಳುತ್ತಾ ನನಗೆ ಅನಿಸಿದ್ದನ್ನು ಬರೆಯಲಿಕ್ಕೆ ಪ್ರೀತಿಯಿಂದ ಒತ್ತಾಯಿಸಿದ್ದಕ್ಕೆ ಕೆಲವು ಮಾತುಗಳನ್ನಷ್ಟೇ ಬರೆದಿದ್ದೇನೆ. ಕಳೆದ ಇಪ್ಪತ್ತು ವರ್ಷಗಳಿಂದ ನೋಡುತ್ತಾ ಬಂದಿರುವ ಶಿವರಾಜ್ ಅವರು ಸದಾ ನಿರಂತರ ಅಭ್ಯಾಸಿ ಸಾಹಿತ್ಯವನ್ನು, ಸಮಾಜವನ್ನು ಸೂಕ್ಷ್ಮವಾಗಿ ಗ್ರಹಿಸುವ ಚಿಂತಕನಾಗಿ, ಬರಹಗಾರನಾಗಿ, ಗಾಯಕ ನಾಗಿ ಗುರುತಿಸಿಕೊಂಡಿದ್ದಾರೆ. ಅವರಿಗೆ ಶುಭಾಶಯಗಳನ್ನು ಹೇಳುತ್ತಾ ಕೃತಿಗೆ ಎಲ್ಲಾ ಯಶಸ್ಸು ಸಿಗಲಿ ಎಂದು ಆಶಿಸುತ್ತೇನೆ.

ಡಾ. ಅಂಕನಹಳ್ಳಿ ಪಾರ್ಥ