ನಾನು ಮತ್ಮತ್ತೆ ಓದುವ, ಓದಿದಷ್ಟೂ ಮುದಕೊಡುವ ಲೇಖಕರಲ್ಲಿ ಮಾರ್ಕೇಜ್ ಕೂಡಾ ಒಬ್ಬ. ಬರೆಯುವ ಬದುಕಿನಲ್ಲಿ ಏಕತಾನತೆ, ಕೃತಕತೆಯ ಸೋಂಕು ತಾಗಿಸಿಕೊಳ್ಳದಿರುವುದು, ತಾಜಾ ಬದುಕೊಂದು ಓದುಗನೊಳಗೆ ಅನುಭವವಾಗಿ ಅನುರಣಿಸುವಂತೆ ಮಾಡುವುದು ಹಾಗೂ ವಾಸ್ತವದ ಸತ್ಯಗಳಿಗೆ ಮುಖಾಮುಖಿಯಾಗುವುದು-ನಿಜ ಲೇಖಕನೊಬ್ಬನ ಮುಖ್ಯ ಸಾಮಾಜಿಕ ಜವಾಬ್ದಾರಿ ಅನ್ನುವಂತೆ ಬರೆದು ಬದುಕಿದವನು ಮಾರ್ಕೇಟ್.

ಹಂಗೆ ನೋಡಿದರೆ ಮಾರ್ಕೇಜ್ ಕನ್ನಡದ ಮನಸ್ಸುಗಳಿಗೆ ಹೊಸಬನೇನಲ್ಲ. ಈ ಹಿಂದೆ ಹಲವರು ಮಾರ್ಕೇಜ್‌ನನ್ನು ಕನ್ನಡಕ್ಕೆ ಕರೆತಂದಿದ್ದಾರೆ. ಮುಂದೆಯೂ ಬರುತ್ತಲೇ ಇರುತ್ತಾನೆ. ಹೀಗೆ ಎಲ್ಲಾ ಕಾಲಘಟ್ಟದ ಮನಸ್ಸುಗಳನ್ನು ಆವರಿಸಿಕೊಳ್ಳುವುದು, ಆ ಮೂಲಕ ಅವರೊಂದಿಗೆ ಸೀದಾ ನಡೆದು ಬಂದುಬಿಡುವುದು, ಅವನ ಸೃಜನಶೀಲ ಶ್ರೇಷ್ಠತೆ ಹಾಗೂ ಮನುಕುಲದ ಬಗೆಗಿನ ಕಾಳಜಿಗಳ ಕಾರಣಕ್ಕಾಗಿ.

-ಎಸ್‌. ಗಂಗಾಧರಯ್ಯ