ಎಂ. ರಾಮರಾವ್‌ ಅವರ ಪೂರ್ಣ ಹೆಸರು ಮಠದ ರಾಮರಾವ್. ರಾಮರಾಯರು ಇಂಗ್ಲಿಷ್ ವಿವಿಧ ದೇಶಗಳ ಒಂಬತ್ತು ಜಾನಪದ ಕತೆಗಳನ್ನು ನಮ್ಮ ಸಮಾಜಕ್ಕೆ ಸರಿಹೊಂದುವಂತೆ ಪರಿವರ್ತಿಸಿ ಕನ್ನಡಿಸಿ ಈ ಪುಸ್ತಕದಲ್ಲಿ ಕೊಟ್ಟಿದ್ದೇನೆ. ಮೊದಲನೆಯ ಮುದ್ರಣದಲ್ಲಿದ್ದುದಕ್ಕಿಂತ ಒಂದು ಕತೆಯನ್ನು ಹೆಚ್ಚಾಗಿ ಸೇರಿಸಿ ಎಲ್ಲಾ ಕತೆಗಳ ಭಾಷೆಯನ್ನೂ ನಿರೂಪಣಾವೈಖರಿಯನ್ನೂ ಅಗತ್ಯವಿದ್ದೆಡೆ ತಿದ್ದಿ ಸರಿಪಡಿಸಿದ್ದೇನೆ. ಈ ಕತೆಗಳು ಜನಸಾಮಾನ್ಯರ ಕಲ್ಪನೆಯ ಕೂಸುಗಳು, ಪೂರ್ವಕಾಲದಲ್ಲಿ ಎಲ್ಲ ದೇಶಗಳ ಜನತೆಯ ಮನಸೂ ಹೇಗೆ ಒಂದೇ ತೆರನಾಗಿ ಕೆಲಸಮಾಡುತ್ತಿದ್ದಿತೆಂಬುದನ್ನು ನಾವು ಈ ಕತೆಗಳ ಮೂಲಕ ಸ್ವಲ್ಪಮಟ್ಟಿಗೆ ಅರಿತುಕೊಳ್ಳಬಹುದು. ಕಲ್ಪನಾಪ್ರಧಾನವಾದ ಈ ಕತೆಗಳು ಮಕ್ಕಳಿಗೆ ಆಕರ್ಷಕವಾಗುವುದರಲ್ಲಿ ಸಂಶಯವೇ ಇಲ್ಲ.