ಹುಂ ಭೂತ... ಗೆಜ್ಜೆಯ ಸದ್ದು ಕೇಳ್ತಾ ಇತ್ತು. ನಾನು ಗದ್ದೆ ಪುಣಿಯಲ್ಲಿ ನಡ್ಕೊಂಡು ಬರ್ತಾ ಇದ್ದೆ. ಶುರುವಿಗೆ ಗೊತ್ತಾಗ್ಲಿಲ್ಲ. ಆಮೇಲೆ ಯಾರೊ ಹೆಂಗಸು ಅಂತ ಗೊತ್ತಾಯ್ತು. ಸುಮ್ಮೆ ನಡೀತಾ ಇದ್ದೆ. ತಕ್ಷಣ ಹಿಂತಿರುಗಿ ನೋಡಿದೆ. ಅಲ್ಲಿ ಯಾರೂ ಇರಲಿಲ್ಲ. ಆಗ ನಂಗೆ ಹೆದರಿಕೆಯಾಯ್ತು. ಸುಮಾರು ದೂರ ಬಂದಾಗ ನನ್ನನ್ನು ಕರೆದ ಹಾಗಾಯ್ತು. ತಿರುಗಿನೋಡಿದ್ರೆ ಒಂದು ಹೆಂಗಸು ನನ್ನನ್ನು ಕರೆಯಿತು. ರಾತ್ರಿ ಹೆಂಗಸು ಎಂತಕ್ಕೆ ಕರೆಯುವುದು. ನನಗೂ ಧೈರ್ಯ ಬಂತು. ಹತ್ರ ಹೋಗಿ ಎಂತ ಕೇಳಿದೆ. ಬೀಡಿ ಉಂಟಾ ಅಂತ ಕೇಳಿತು. ಹೌದು, ಅಂತ ಬೀಡಿ ಕಟ್ಟು ತೆಗೆದು ಒಂದನ್ನು ಕೊಟ್ಟೆ ಕೈ ಮುಂದಕ್ಕೊಡ್ಡಿತು. ಬೀಡಿ ಕೈಯಲ್ಲಿಟ್ಟೆ ಕೈ ತೂತಾದ ಹಾಗೆ ಕೆಳಗೆ ಬಿತ್ತು. ಹೆಕ್ಕಿ ಕೊಡಲು ಹೇಳಿತು ಹೆಂಗಸು. ಬಾಗಿದೊಂದೆ ಗೊತ್ತು. ಬೆನ್ನಿಗೆ ಗುದ್ದು ಬಿತ್ತು. ಆಮೇಲೆ ಗೆಜ್ಜೆ ಸದ್ದು ಮಾಯವಾಯಿತು.