ಮನಸ್ಸಿಗೆ ಉಲ್ಲಾಸವನ್ನು ನೀಡುವ, ನಗೆಗಡಲಿನಲ್ಲಿ ತೇಲುವಂತೆ ಮಾಡುವ 'ಮಹಿ'ಯ ಕತೆ ಮಕ್ಕಳಿಗಷ್ಟೇ ಅಲ್ಲ ದೊಡ್ಡವರಿಗೂ ಹಿಡಿಸಲಿದೆ. ನೀಲಿ ಬೆಟ್ಟಗಳ ಮೇಲೆ ಹಾರಲೇ ಬೇಕೆಂಬ ಅಸಾಧ್ಯವೆನಿಸುವ ಕನಸನ್ನು ಕಾಣುವ ಮಹಿ ಎಂಬ ಆನೆ ಮರಿಯ ಸಾಹಸದ ಕತೆಯಿದು. ಪ್ರತಿ ಪುಟದಲ್ಲಿ ಮುದ ನೀಡುವ ಸನ್ನಿವೇಶಗಳೊಂದಿಗೆ ಹೆಣೆದಿರುವ ಈ ಕತೆ ಯುವ ಓದುಗರನ್ನು ಸೆಳೆಯುವುದರಲ್ಲಿ ಅನುಮಾನವಿಲ್ಲ. ಕತೆಗೆ ಹೊಂದುವಂತೆ ಇರುವ ಚಿತ್ರಗಳು, ಕತೆಯೊಳಗೆ ಬರುವ ಪಾತ್ರಗಳು ಎಲ್ಲವೂ ಓದುಗರ ನೆನಪಿನಲ್ಲಿ ಉಳಿದುಕೊಳ್ಳುತ್ತವೆ. ಒಮ್ಮೆ ಓದಿ ನೋಡಿ.