ಹಿರಿಯ ಪ್ರಾಥಮಿಕ ಮತ್ತು ಪ್ರೌಢಶಾಲೆಗಳಲ್ಲಿ ವಿಜ್ಞಾನ ವಿಷಯಗಳನ್ನು ಕಲಿಯುತ್ತಿರುವ ವಿದ್ಯಾರ್ಥಿಗಳಿಗೆ ಮತ್ತು ಕಲಿಸುತ್ತಿರುವ ಶಿಕ್ಷಕರಿಗೆ ಉಪಯುಕ್ತವಾಗ ಬೇಕೆನ್ನುವ ಉದ್ದೇಶದಿಂದ 'ವಿಜ್ಞಾನ - ಸರಳ ಪರಿಚಯ' ಮಾಲೆಯಲ್ಲಿ ಹಲವು ಸಚಿತ್ರ ಪುಸ್ತಕಗಳನ್ನು ಸಿದ್ಧಪಡಿಸಲಾಗಿದೆ. ಮಕ್ಕಳಿಗೆ ವಿಜ್ಞಾನ ವಿಷಯದ ಕಲಿಕೆ ರೋಚಕವೂ, ಆಸಕ್ತಿದಾಯಕವೂ, ಅರ್ಥಪೂರ್ಣವೂ ಆಗಿರಬೇಕು: ಹಾಗೆಯೇ, ಅಧ್ಯಾಪಕರಿಗೆ ವಿಜ್ಞಾನದ ಪರಿಕಲ್ಪನೆಗಳು ಸ್ಪಷ್ಟವಾಗಿ ಅರ್ಥವಾಗುವಂತಿರಬೇಕು – ಆ ಮೂಲಕ ಬೋಧನೆ ಹೆಚ್ಚು ಪರಿಣಾಮಕಾರಿಯಾಗಬೇಕೆಂಬುದೇ ಈ ಮಾಲೆಯ ಆಶಯ, ಸರಳ ಭಾಷೆ, ಜನಪ್ರಿಯ ನಿರೂಪಣಾ ಶೈಲಿ ಮತ್ತು ಸಾಧ್ಯವಿರುವಲ್ಲಿ ಚಟುವಟಿಕೆಗಳನ್ನು ನೀಡುವ ಮೂಲಕ ಈ 'ವಿಜ್ಞಾನ - ಸರಳ ಪರಿಚಯ' ಮಾಲೆ ವಿಜ್ಞಾನ ಶಿಕ್ಷಣದ ಗುಣಮಟ್ಟವನ್ನು ಮೇಲೆತ್ತುವಲ್ಲಿ ಸಹಕಾರಿಯಾಗಿದೆ.