ಇಪ್ಪತ್ತನೆಯ ಶತಮಾನ ಮುಗಿದು ಹೊಸ ಶತಮಾನದಲ್ಲಿ ನಾವು ಮುಂದುವರಿಯುತ್ತಿದ್ದೇವೆ. ಆದರೆ ಅಂಧಕಾರದ ತಾಂಡವದಲ್ಲಿ ದೇಶ ಥರಥರನೆ ನಡುಗುತ್ತಿದೆ, ಅದರ ಭಾರದಲ್ಲಿ ಬೆನ್ನು ಬಾಗಿಸಿಕೊಂಡೇ ನಾವು ಹೆಜ್ಜೆ ಹಾಕುತ್ತಿರಬೇಕೇನು ? ಕಳೆದ ಎರಡು ಶತಮಾನಗಳಿಂದ ಅನೇಕ ಮಹಾಪುರುಷರು, ಪ್ರತಿಭಾಶಾಲಿಗಳು - ಅವರ ಬಗ್ಗೆ ನಮ್ಮ ಹೆಮ್ಮೆಗೆ ಸೀಮೆಯೇ ಇಲ್ಲ - ಬೇರೆ ಬೇರೆ ರೀತಿಗಳಲ್ಲಿ, ಬೇರೆ ಬೇರೆ ದೃಷ್ಟಿಕೋನಗಳಲ್ಲಿ ನಮ್ಮನ್ನು ಈ ಅಂಧಕಾರದ ವಿರುದ್ಧ ಎಚ್ಚರಿಸಿ ಅವರ ಉತ್ತರಾಧಿಕಾರವನ್ನು ನಾವು ಮನಸ್ಸಿನಲ್ಲಿ ಇರಿಸಿಕೊಂಡರೆ, ಸ್ವಸ್ಥ ಮನಸ್ಸಿನಿಂದ ನಾವು ಮುಂದುವರಿಯಬಹುದು. ಅದಕ್ಕಾಗಿಯೇ ಈ ಸಂಕಲನ. ಅವರೆಲ್ಲರ ಮಾತುಗಳನ್ನು ಒಮ್ಮೆ ಓದಿದರೆ ಸಾಕು, ನಾವು ಧೈರ್ಯದಿಂದ ಮುಂದುವರಿಯಬಹುದು.