“ಸೆರೆಂಡಿಪಿಟಿ" ಬಗ್ಗೆ ಓದುಗರ ಅನಿಸಿಕೆಗಳು

"ಇದೊಂದು ಚಿಕಿತ್ಸಾ ಲೋಕದ ಅಚ್ಚರಿ ಮತ್ತು ಆಕಸ್ಮಿಕ ಸಂಗತಿಗಳ ಸಂಗ್ರಹ. ಮಾಹಿತಿಗೆ ಕುಂದು ಬರದಂತೆ ಅಚ್ಚುಕಟ್ಟಾಗಿ ನಿರೂಪಿಸಿದ್ದಾರೆ. ಯಾವ ವೈದ್ಯಪದ್ಧತಿಯ ಕುರಿತಾಗಿಯೂ ಅತ್ಯಾಗ್ರಹವನ್ನಿಟ್ಟುಕೊಳ್ಳದೆ ಸಮಚಿತ್ತದಿಂದ ಲೇಖಕರು ಚಿಕಿತ್ಸಾ ಲೋಕದ ಆಕಸ್ಮಿಕಗಳನ್ನು ವಿವರಿಸಿದ್ದು ಗಮನಾರ್ಹ.

-ಶ್ರೀ ನವೀನ್ ಗಂಗೋತ್ರಿ - ಸಹಾಯಕ ಪ್ರಾಧ್ಯಾಪಕರು

“ಸೆರೆಂಡಿಪಿಟಿ ವೈದ್ಯಲೋಕದ ಅದ್ಭುತ ಆಕಸ್ಮಿಕಗಳು" ಅಚ್ಚುಕಟ್ಟಾದ ಪುಸ್ತಕ. ಪುಸ್ತಕವನ್ನು ಓದಿದಾಗ ಆದ ಸಂತೋಷ ವರ್ಣಿಸಲಿಕ್ಕೆ ಆಗಲ್ಲ ಲೇಖಕರ ಶ್ರದ್ಧೆ, ವಿಷಯಜ್ಞಾನ, ಸರಳವಾದ ಬರವಣಿಗೆಯ ಶೈಲಿ - ಎಲ್ಲ ಒಂದಕ್ಕಿಂತ ಒಂದು ಮೇಲು ಎಲ್ಲರೂ ಓದಲೇಬೇಕಾದ ಕೃತಿ.

-ಶ್ರೀಮತಿ ವೇದಾ ಅಠಾವಳೆ – ಅಧ್ಯಾಪಕರು

ಐವತ್ತು ಅಧ್ಯಾಯಗಳಲ್ಲಿ ಲೇಖಕರು ಮಲೇರಿಯಾದಿಂದ ಹಿಡಿದು ಕ್ಯಾನ್ಸರ್ ತನಕ ಇ ಸಿ ಜಿ ಯಿಂದ ಹಿಡಿದು ಬೊಟೊಕ್ಸ್ ತನಕ ವಿವಿಧ ಕಾಯಿಲೆಗಳ ಮತ್ತು ಚಿಕಿತ್ಸೆಗಳ ಇತಿಹಾಸವನ್ನು, ಅದರಲ್ಲಿನ ಆಕಸ್ಮಿಕಗಳನ್ನು ಚರ್ಚಿಸಿದ್ದಾರೆ. ಇದು ಸರಳವಾದ ಭಾಷೆಯಲ್ಲಿ ಆದಷ್ಟೂ ಟೆಕ್ನಿಕಲ್ ಜಾರ್ಗನ್ ಬಳಸದೆ ಬರೆದಿರುವ ಪುಸ್ತಕ ಪ್ರಾರಂಭದಿಂದಲೇ ಓದಬೇಕೆಂದಿಲ್ಲ ಯಾವ ಅಧ್ಯಾಯವನ್ನಾದರೂ ಎತ್ತಿಕೊಂಡು ಓದಬಹುದು.

-ಶ್ರೀ ಸುಮಂತ್ ಹೆಗ್ಡೆ – ವಿಜ್ಞಾನ ಸಂಶೋಧಕರು