ಬ್ರಿಟಿಷ್ ಶಿವ್ನಿಂಗ್ ಸ್ಕಾಲರ್ ಷಿಪ್ ಪಡೆದ ಕನ್ನಡದ ಏಕೈಕ ಪತ್ರಕರ್ತ ಸತೀಶ್ ಚಪ್ಪರಿಕೆ ಅವರು ಈ ‘ಥೇಮ್ಸ್ ತಟದ ತವಕ ತಲ್ಲಣ’  ಕೃತಿಯ ಕರ್ತೃ. ಪ್ರವಾಸದಲ್ಲಿ ಕಂಡಿದ್ದನ್ನು ಬರೆಯುವುದು ಒಂದು ಬಗೆ. ಆದರೆ, ಬೇರೆ ಬೇರೆ ಸಂಸ್ಕೃತಿ-ಜನ -ಸಾಮಾಜಿಕತೆ- ಹೀಗೆ ವೈವಿಧ್ಯಮಯ ಜ್ಞಾನದೊಂದಿಗೆ ವಿಶ್ಲೇಷಿಸಿ, ತರ್ಕಿಸಿದ ಅಧ್ಯಯನದ ಗಟ್ಟಿತನದೊಂದಿಗೆ ಬರೆಯುವ ಕೃತಿಯೇ ಬೇರೆ. ಇದಕ್ಕಿಂತಲೂ ವಿಶೇಷ ಎಂದರೆ; ಜಾಗತಿಕ ನೆಲೆಯೆತ್ತರಕ್ಕೆ ನಿಂತು ವಿಶೇಷವಾಗಿ ಕನ್ನಡದ ಔದ್ಯೋಗಿಕ ಸ್ಥಿತಿಗತಿಗಳನ್ನು ವಿಶ್ಲೇಷಿಸುವ ತೀಕ್ಷಣ ನೋಟದ ಅಧ್ಯಯನಕ್ಕೆ ಯೋಗ್ಯವಾದ ಪ್ರವಾಸ ಕಥನವಿದು.