ಈ ಲೇಖನಗಳಲ್ಲಿ ವೈದ್ಯನೊಬ್ಬನು ತಾನು ಬದುಕುತ್ತಿರುವ ವ್ಯವಸ್ಥೆಯ ಗುಣದೋಷಗಳನ್ನು ಅಲ್ಲಿ ಉಂಟಾಗುವ ನೈತಿಕ ಬಿಕ್ಕಟ್ಟುಗಳನ್ನು, ನಿರ್ಮಮವಾಗಿ ಆದರೆ ಭಾವಸಹಿತವಾಗಿ ಮಂಡಿಸುತ್ತಾನೆ. ತಾತ್ವಿಕ ಸಂಗತಿಗಳನ್ನು ಮಾನುಷಿಕ ಅನುಭವಗಳ ಹಿನ್ನೆಲೆಯಲ್ಲಿ ಕಾಣಲು ಲೇಖಕರಿಗೆ ಸಾಧ್ಯವಾಗಿದೆ. ಪಾಶ್ಚಾತ್ಯ ವೈದ್ಯಕೀಯದಲ್ಲಿ ಇಂದು ನಿಜವಾಗಿರುವ ಸಂಗತಿಗಳು ನಾಳೆ ನಮಗೂ ನಿಜವಾಗುವುದರಿಂದ ಈ ಲೇಖನಗಳು ಬಹಳ ಪ್ರಸ್ತುತವಾಗುತ್ತವೆ. ಅವರ ಅನೇಕ ತಲ್ಲಣಗಳು ನಮಗೂ ನಿಜವೆನಿಸುತ್ತವೆ. ಕೊನೆಗೂ 'ವೈದ್ಯಕೀಯ'ವೆನ್ನುವ ಬೃಹತ್ ವ್ಯವಸ್ಥೆಯಲ್ಲಿ ವೈದ್ಯನು ಕೇವಲ ತಿರುಪುಮೊಳೆಯಾಗಿಬಿಡುವ (ಕಾಗ್ ಇನ್ ದ ವೀಲ್) ವಾಸ್ತವ ನಮ್ಮ ಕಣ್ಣಿಗೆ ಕಟ್ಟುತ್ತದೆ.

-ಎಚ್. ಎಸ್. ರಾಘವೇಂದ್ರ ರಾವ್