ಏನು ಕೊಡಬೇಕು ಅಂತಾನೆ ತೋಚಲ್ಲ. ನಮಗಿಂತ ಚಿಕ್ಕವರ ಹುಟ್ಟುಹಬ್ಬ ಇರುತ್ತೆ. ಮದುವೆ ಇರುತ್ತೆ. ಯಾವುದೋ ಪರೀಕ್ಷೆ ಪಾಸಾಗಿದ್ದಾರೆ. ದೂರದ ಊರಿಗೆ, ವಿದೇಶಕ್ಕೆ ಹೊರಟಿರ್ತಾರೆ. ಅಂಥವರಿಗೆ, ಅದರಲ್ಲೂ ಜಗತ್ತಿನ ಬೆಳಕಿನೆಡೆಗೆ ಈಗಷ್ಟೆ ಮುಖ ಮಾಡಿ ನಿಂತ ಗೆಳೆಯ-ಗೆಳತಿಯರಿಗೆ, ತಮ್ಮ-ತಂಗಿಯರಿಗೆ ಗಿಫ್ಟು ಕೊಡೋಣ ಅಂದುಕೊಂಡರೆ, ಏನು ಕೊಡಬೇಕು ಅಂತಾನೆ ತೋಚಲ್ಲ. ಅಂಥವರಿಗೆ ನಾನು ಪುಸ್ತಕ ಕೊಡುತ್ತೇನೆ. ಹಾಗೆ ಯಾರಿಗಾದರೂ ಗಿಫ್ಟು ಕೊಡಲು ತುಂಬ ಸೂಕ್ತವಾದದ್ದು ಅಂತ ಭಾವಿಸಿಯೇ ನನ್ನ ಕೆಲವು ವರ್ಷಗಳ ಪುಟ್ಟ ಪುಟ್ಟ ಬರಹಗಳನ್ನು ಒಟ್ಟು ಮಾಡಿ ಈ ಬಾಟಮ್ ಐಟಮ್ ಸೀರೀಸ್ ಪ್ರಕಟಿಸುತ್ತಿರೋದು. ಇದು ನಾಲ್ಕನೆಯ ಕಂತು. ಮೊದಲು ನೀವು ಓದಿಕೊಂಡು ನಿಮ್ಮ ಪ್ರೀತಿಪಾತ್ರರಿಗೆ ಗಿಫ್ಟ್ ಮಾಡಿ.

-ರವಿ ಬೆಳಗೆರೆ