'ಪ್ರಜಾವಾಣಿ'ಯಲ್ಲಿ ಅಂಕಣರೂಪದಲ್ಲಿ ಕಳೆದ ಎರಡು ವರ್ಷಗಳಲ್ಲಿ ಪ್ರಕಟವಾದ ಲೇಖನಗಳ ಸಂಕಲನ ಇದು. ಈ ಅವಧಿಯಲ್ಲಿ ವಿಜ್ಞಾನ ಮತ್ತು ಪರಿಸರ ಕ್ಷೇತ್ರಗಳಲ್ಲಿ ಸುದ್ದಿ ಮಾಡಿದ ವಿಷಯಗಳಲ್ಲಿ ಮುಖ್ಯವೆನಿಸಿದ್ದನ್ನು ಇಲ್ಲಿ ಚರ್ಚಿಸಿದ್ದೇನೆ. ಅಗತ್ಯವಿದ್ದಲ್ಲಿ ತುಸು ಪೂರಕ ಮಾಹಿತಿಗಳನ್ನೂ ಮತ್ತು ಈಚಿನ ವಿವರಗಳನ್ನೂ ಇದೀಗ ಸೇರಿಸಿದ್ದೇನೆ. ಕೆಲವು ಲೇಖನಗಳು ಆಯಾ ತಿಂಗಳಿಗಷ್ಟೇ ಪ್ರಸ್ತುತವಾಗಿತ್ತೆಂದು ಅನ್ನಿಸಿದರೂ ಇಡೀ ಭೂಗ್ರಹದ ಚಲನಾವಳಿಯ ಹಿನ್ನೆಲೆಯಲ್ಲಿ ನಮ್ಮೆಲ್ಲರ ಹೆಜ್ಜೆ ಗುರುತುಗಳನ್ನು ಕನ್ನಡದಲ್ಲಿ ದಾಖಲಿಸುವುದು ಅಗತ್ಯ ಹಾಗೂ ಅದು ತಾತ್ಕಾಲಿಕ ಪತ್ರಿಕಾ ಸಾಹಿತ್ಯವಾಗಿಯಷ್ಟೆ ಉಳಿಯಬಾರದೆಂಬ ನಂಬಿಕೆಯಿಂದ ಈ ಸಂಕಲನ ಸಿದ್ಧವಾಗಿದೆ.

-ನಾಗೇಶ ಹೆಗಡೆ