'ಈ ಕಾದಂಬರಿಯ ಮುಖ್ಯ ಪಾತ್ರಗಳ ಪ್ರಕೃತಿ-ವ್ಯಕ್ತಿತ್ವಗಳು ಒಂದರಿಂದೊಂದು ತೀರ ಭಿನ್ನವಾಗಿದ್ದರೂ ಅವರೆಲ್ಲರ ಒಳಗಿನಿಂದ ಬರೆಯುವುದು ಚಿತ್ತಾಲರಿಗೆ ಸಾಧ್ಯವಾಗಿರುವುದು ಸಾಮಾನ್ಯ ಸಾಧನೆಯಲ್ಲ. ಆದರೆ ಈ ಯಾವ ಪಾತ್ರದೊಡನೆಯೂ ಅವರು ತಾದಾತ್ಮ ಹೊಂದುವುದಿಲ್ಲವಾದುದರಿಂದ ಅವರ ನ್ಯೂನತೆಗಳನ್ನು ತೋರಿಸುವುದು ಅವರಿಗೆ ಶಕ್ಯವಾಗಿದೆ. “ಮೂರು ದಾರಿಗಳು" ಹೊಸ ಮೌಲ್ಯಗಳನ್ನು ರೂಪಿಸುವುದಿಲ್ಲ. ಆದರೆ ಸ್ವೀಕೃತ ಮೌಲ್ಯಗಳನ್ನೂ ಗಂಭೀರ ಪರಿಶೀಲನೆಗೆ ಒಳಗಾಗಿಸುತ್ತದೆ.'